到底中式棺木同西式棺木有咩分別？中式棺木係咪貴過西式棺木？

其實現時一般中式棺木喺售價方面貴過西式棺木，除款式唔同之外，用料都唔同，因為西式大多係用嚟火化，多為什木造成。當然，一啲西式棺木亦可以用作名貴料去造，例如銅棺、柚木、柏木等…都係好貴嘅棺木嚟㗎！中式棺木多用作土葬，亦有先人用中式棺木火葬。

中式棺木大多用杉木造成，而杉木放喺土裡可以一段很長時間先破爛，甚至有啲保持得好完整，呢啲係什木做唔到，一般什木例如什木方箱，重量大概280-300磅左右，而一件中式棺木，例如1.1尺杉木八底，重量大概1300-1400磅，故需用好大氣力而上山落葬，所以土葬需要嘅人手都比火葬多。除杉木外，中式棺木都有好多其他種類，費用都好昂貴。

想知更多？記住留意我地孝恩Facebook專頁喇！

(圖片來源轉至網絡)

#孝恩#喪禮#葬禮#中式棺木#西式棺木