現代人因工作繁忙，親人去世後除咗喺山頭多數即日除服外，最多都只係做三七就完事了。

不過古時就有少少唔同，如有親人去世後都會為死者每七日做一個祭祀儀式，所以有頭七、二七、三七、四七、五七、六七同埋七七。

而古時啲人認為最緊要就係五七呢個儀式！傳聞係同包公有關…

包公去世後，被玉皇大帝封為頭殿閻王。因為玉皇大帝知道包公喺陽間鐵面無私，為民伸冤。包公心知唔可以再係陽間為民伸冤，變左係陰間多做好事，凡有冤屈而死，或有心事未了，家有老少者，包公不論其陽壽係咪已經完盡，大多都會放回陽間去也。可是，喺七個殿王中，第五殿嘅殿王秦廣王，對包公行為有少少不滿，心中可成為頭殿王，就向玉皇告包公一狀。玉皇問包公有冇呢件事，包公好直白咁答有！玉皇大帝就唔可以俾包公無事，只好將包公由頭殿調到第五殿，頭殿則交俾秦廣王負責。

秦廣王做咗頭殿王之後，當然樣樣不放鬆，有啲死不眼閉嘅人，被冤枉死嘅人，冇人幸免，不得翻案…於是..靈魂由第一殿去到第五殿，足足過咗五七即係三十五天，人嘅肉身都開始腐化，點都唔可以還陽了…..

後來，由於太多冤魂向包公伸冤，包公唔想俾呢啲人枉死，好歹俾呢啲冤魂得到一啲安慰，於是立定決心，寧願唔當閻王都要為呢啲冤魂出頭，遂勇闖天宮喺玉皇大帝面前脫低官帽希望玉皇喺第五殿內搭建一個望鄉台，令呢啲鬼魂可以望吓家鄉，見親人最後一面。最後俾包公搭建咗望鄉台。

想知更多？記住留意我地孝恩Facebook專頁喇！

(圖片來源轉至網絡)

#孝恩#葬禮#五七的由來