話說河南桐柏有一個關於守靈嘅故事，就係人過身後必須要停屍三天，親戚朋友都要守侯三日，直至三天後先可以將先人下葬，

原來傳說中，桐柏村內一戶人家，因為母親早死，所以父親父兼母職，好錫兩個仔，兩個仔仔最初都好孝順，後來兒子年紀愈大，大仔開始外出做生意，開始成功，可惜大兒子就算賺錢都冇孝敬父親。父親見大兒子有啲成就，就叫細仔都學哥哥往外闖，唔好守喺村內幾畝瘦田。細仔唔肯走，話自己都走咗嘅話，父親一個人就好孤單。

過咗一段時光，大仔有日返咗屋企。父親就同大仔講：「仔啊，我就嚟唔得啦！你就暫時唔好走，喺到陪我幾日啦！」

大仔話：「爸，我生意好忙㗎！唔做一日生意，你知唔知損失有幾大啊？」

大仔最後都冇留低，又過咗幾日，父親終於去世，死前對細仔講：「我死後，叫你哥哥守三天再埋葬我啦！」

大仔返咗嚟，細仔就同哥哥講父親嘅說話，點知哥哥話：「人都死咗做咩要守住佢？我依家生意好忙！」講完就走咗。

細仔只好一個人守住父親，諗吓又喊吓，去到第三日，父親個身郁咗一郁。細仔以為撞鬼，就喺呢個時候，父親坐咗起身話：「仔，我仲在生啊！我見到閻皇爺，閻皇爺跟我講：你返去陽間去啦！你陽間仔又孝順，回去後幫佢打點一切等佢成家先返陰間啦！」

後來，父親幫細仔搭咗房子，聚咗媳婦，一家人好快樂咁生活。至於大仔最後生意失敗，要返屋企依靠細仔過活！

之後，每逢人死咗，都學習細仔咁守靈三日，祈望死去或心愛嘅人可以復活。

想知更多？記住留意我地孝恩Facebook專頁喇！

(圖片來源轉至網絡)

#孝恩#葬禮#守靈