大家平時夜返屋企嘅話會搭咩車呢？

小編多數就搭通宵小巴，貪佢夠平又夠快！ 其實小巴都有唔少流傳鬼故㗎！話說有個乘客上左一架通宵小巴，上車時已經有半車乘客。

坐喺佢前面，係一個著住紅衫嘅少女。架車一路行就一路上客。 去到剩返兩個位嘅時候，有三個人一齊上車。其中兩個坐左喺嗰兩個空位，第三個上車後停左一下，然後轉身想坐喺嗰個乘客前面個位。當個乘客想喝止佢時，嗰個人已經坐左去少女身上，將個少女壓左入去張凳到！

個少女不斷地扭動自己嘅身體同頭，好似好痛苦咁！乘客嚇到目定口呆，面都青埋，突然有個人拍拍乘客個膊頭問佢有冇事。乘客定一定神話冇事，之後再望返前面，個少女已經唔見左人...

下次再同大家講多啲交通工具有關嘅鬼故啦？

#孝恩 #香港 #鬼故 #滿座 #靈異事件 #通宵小巴 #乘客