每日同遺體作伴，面對住嘅係冷冰冰嘅世界，呢個就係遺體化妝師每日嘅生活寫照。而遺體化妝師嘅職責就係以專業嘅化妝技術將遺體嘅容貌儘量化到好似安詳熟睡一樣。

另外，化妝師亦需要迎合先人生前習慣，或應家屬要求，幫遺體搽指甲油、噴香水、戴假髮等，甚至乎要剪指甲！嬰兒、年輕者通常會化淡妝，而年長者妝容則較濃。由於先人嘅死因各異，除化妝品外，都要備有火酒同針線，分別用於清理臉上嘅膠布痕迹，以及縫合傷口。

所以千祈唔好睇少遺體化妝師嘅職業，佢地可以用化妝技術修補逝者嘅缺陷，同時慰藉家屬嘅心靈，令在生嘅親友以比較安樂嘅心情去送先人最後一程，所以呢個絕對係令人敬佩嘅工作！

想知更多？記住留意我地孝恩Facebook專頁喇！

#孝恩 #香港 #遺體化妝師