中國人著重禮儀，對自己嘅葬禮要求好高，例如要求「保全屍」或者入土為安等等。但傳統中國除左土葬之外，仲有幾多種葬禮，

大家又知唔知呢？

1.土葬

土葬即係中國最普遍嘅葬禮，而喺十幾二十年前嘅香港，亦都盛行土葬。

但由於土地供應問題，目前除咗政府同和合石保持7年輪流落葬起骨之外，好多墳場都已經冇新地供應，所以近年政府都鼓勵推行一啲環保葬禮，如海葬等。

2.火葬

火葬亦都係中國普遍葬禮之一。據說得道高僧經過火化之後會產生「舍利子」，而佛祖火葬之後就留低咗舍利一石六斗等。但係喺香港，火葬同樣面對火化爐同政府骨灰龕位不足嘅問題。

3.天葬

相信大家睇電視可能見過，或者會覺得好唔尊重死者，但其實天葬係某啲地方嘅傳統嚟，例如西藏等地就流行呢種儀式。其實據說死者經天葬後，靈魂可以隨鷹飛天，來世會得到幸福。而天葬期間，屍體比飛鷹啄食至盡更加係視為吉祥。

4.水葬

水葬喺中國並唔常見，傳聞親人會將棺木放喺海邊等潮漲，如果棺木成功沖落大海，咁先人就會被視為登天，如果沖唔倒落海，就會視為落地獄。

其實呢個世界仲有好多唔同而又特別嘅葬禮，唔知大家想唔想知呢？如果你哋知道有啲咩特別葬禮，都可以留言同大家分享嫁！講到尾，葬禮都係希望先人能夠得到尊重同安息，在生者先會感到安慰！

想知更多？記住留意我地孝恩Facebook專頁喇！

#孝恩#葬禮#百無禁忌#土地問題#土葬#火葬#天葬#水葬