其實唔同國家都有唔同嘅風俗，香港都唔例外㗎！

吉儀要即棄，千祈唔好帶返屋企。吉儀係一個白色嘅直度信封，中間有一道紅條，上面會用藍色字寫「吉儀」。入面有一條白色毛巾、一粒糖同一個一蚊硬幣，以答謝嚟弔唁嘅親友。

白色毛巾嘅用途係用嚟俾來賓抹眼淚，不過現時多數會用紙巾代替。而嗰粒糖嘅用意，就係借甜味去俾喪禮參加者減少哀痛同傷感，要喺當日內食咗佢，如果唔鍾意甜嘅人可以試一啖就唔食。至於一蚊硬幣係用作帛金嘅回禮，必須係當日用咗佢，唔可以帶返屋企，否則會帶來霉氣同惡運。

想知更多？記住留意我地孝恩Facebook專頁喇！

#孝恩#死亡#葬禮#風俗#吉儀