從古至今，有人講鬼、鬧鬼、信鬼、怕鬼甚至驅鬼！其實鬼怪都有分好多種，今日就等小編為大家介紹中國其中三種有名嘅鬼俾大家加深了解啦！

縊鬼，又名吊死鬼，指自殺上吊而死嘅鬼。縊鬼披頭散發，面目蒼白，眼睛突出，口裡有一條血紅長舌頭。鍾意纏喺有求死之心嘅人身邊，再望住佢自殺死去。

水鬼，係水中溺斃嘅人所化。水鬼擁有綠色或紅色嘅眼睛，皮膚好似搽咗油咁滑，好似水獺一樣喺水中快速游動。水鬼喺水中力氣會變到好大，會將人拉到水中淹死，作為自己轉生嘅替身，但佢最驚係火同熱。

小兒鬼又名夜啼鬼，係夭折嘅小孩死後所化，形如兒童。佢最鍾意增加自己同伴嘅數量，所以經常夜晚喺小朋友床上蹦蹦跳跳，令小朋友無法安睡，放聲大哭，甚至發高燒不退致死。不過對付小兒鬼可以用光或紅色燈籠。

想知更多有趣鬼知識？記住留意我地Facebook專頁喇！

#孝恩  #鬼科全書 #百鬼錄 #第一集