作為土生土長嘅小編，本土鬼故怪談都聽唔少。其中一個就係「鬼叫餐」！

話說喺1989年12月，新界北一間名叫「潮湧記」嘅茶餐廳接到外賣電話，要加底蛋飯、牛河粉，送到大埔田西邊嘅喜秀花園別墅一個單位。外賣仔第一次㩒門鐘，無人應，佢再敲門，就「有人」喺門縫中遞錢出來，叫外賣仔將食物放喺門口就得。但當晚，茶餐廳老闆清數時，發現一疊冥紙，以為係夥計惡作劇，佢將所有人叫咗去盤問，大家都唔知發生咩事。

第二日同一個單位又嗌咗外賣，都係喺門縫中遞錢，老闆數錢時又見到冥紙。於是到咗第三日，老闆親自送外賣過去，諗住透過門縫睇下入面咩情況，但完全睇唔倒，再望望啲錢見係「港幣」就算。點知返到茶餐廳又變咗冥紙，於是報警。

警員其後到該單位調查，發現四具遺體，估計係天冷燒炭取暖時中毒身亡，死亡超過一個星期，但奇怪嘅就係佢地肚裡面竟然仲留咗呢幾日喺茶餐廳叫外賣嘅食物。而冥紙上，除咗有外賣仔同老闆嘅指紋，仲有其中兩名死者嘅指紋，連香港政府都默認此事，並名為「新界北茶餐廳靈異事件」。

係咪好驚但又想知更加多呢？記住留意我地孝恩Facebook專頁喇！

#孝恩 #香港鬼故#鬼故怪談 #靈異事件